Dita e dytë e Kampionatit Evropian në futboll që po mbahet në Gjermani dhe nisi të premten mbrëma, vazhdon me tri ndeshje.
Një ndeshje i takon Grupit A, ndërsa dy të tjerat i takojnë Grupit B dhe luhen gjatë ditës së sotme. Dueli i parë është ai ndërmjet Hungarisë dhe Zvicrës, i cili nis në orën 15:00.
Te Zvicra pritet të jenë titullarë Granit Xhaka e Xherdan Shaqiri, ndërsa Arton Jashari do të jetë reservist.
Zvicra synon ta fitoj këtë ndeshje për të mbajtur hapin me Gjermaninë, e cila të premten mbrëma triumfoi 5:1 Skocinë për kreun e grupit.
Pas duelit Hungari – Zvicër, Evropiani do të vazhdoj me dy përballjet e Grupit B. Prej orës 18:00, do të përballen Spanja me Kroacia, një ndeshje që pritet të jetë tejet interesante dhe të dhuroj spektakël.
Megjithatë, dita e dytë e Evropianit do të mbyllet me duelin e mbrëmjes, atë ndërmjet Italisë dhe Shqipërisë. Italia është kampione në fuqi e Evropës, ndërsa Shqipëria po bën paraqitjen e saj të dytë në këtë turne.
Mbi të gjitha, Shqipëria do të ketë përkrahje të madhe në stadiumin “Signal Iduna Park” të Dortmundit, ku më shumë se gjysma e tifozëve do të jenë shqiptarë.
