Kryeparlamentari Glauk Konjufca, ka pritur sot në takim zëvendësdrejtoren dhe shefen e Programeve të Institutit Demokratik Kombëtar (NDI), Stephanie Rust, si dhe Drejtorin e Programeve të NDI-së për Evropën Qendrore dhe Lindore, Robert Benjamin.
Kuvendi përmes një komunikate për media njofton se në takim u diskutua për bashkëpunimin e ngushtë të Kuvendit të Republikës së Kosovës me këtë organizatë partnere, si dhe nevojën për të ecur përpara e së bashku me punën e mirë, me synimin e forcimit të demokracisë, rritjes së llogaridhënies, transparencës dhe profesionalizmit në proceset apo rezultatet institucionale.
“Konjufca i falënderoi Rust dhe Benjamin për punën e tyre dhe për kontributin e madh të Institutit Demokratik Kombëtar në Republikën e Kosovës, që ka qenë një partner tejet i vyer ndër vite, me shumë rezultate të arritura në institucionin tonë legjislativ dhe demokracinë tonë parlamentare, si dhe në nivel tërësor shtetëror e shoqëror”, thuhet në njoftim.
Sipas kryekuvendarit, kjo traditë e bashkëpunimit duhet të vazhdojë gjithnjë duke u thelluar.
Stephanie Rust dhe Robert Benjamin e falënderuan kryetarin Konjufca për pritjen dhe theksuan përkushtimin e NDI-së për të vazhduar bashkëpunimin e për të vazhduar me punën e përbashkët në interes të vendit tonë.
