Trajneri i Shqipërisë, Sylvinho duket se është përcaktuar për formacionin me të cilin do të paraqitet në fushë kundër Kombëtares së Italisë.
Megjithatë, thuhet se tekniku brazilian ka vetëm një dilemë për të cilën do të vendos në ditën e ndeshjes.
Dilema e vetme e Sylvinhos për ndeshjen kundër Italisë është në repartin e mbrojtjes, pasi ende nuk ka vendosur nëse do të luaj me Ardian Ismajlin apo Arlind Ajetin.
Porta do t’i besohet Etrit Berishës, ndërsa Elseid Hysaj, Berat Gjimshiti e Mario Mitaj janë të sigurt në mbrojtje.
Mesfusha do të përbëhet nga Ylber Ramadani e Kristjan Asllani të vendosur para mbrojtjes, ndërsa Jasir Asani, Nedim Bajrami e Taulant Seferi do ta përkrahin nga prapa sulmuesin Armando Broja.
Ndeshja mes Shqipërisë dhe Italisë, luhet të shtunën prej orës 21:00 në qytetin e Dortmundit.
