U mblodhën në të njëjtin vend, sërish pas 25 vitesh.
Shtëpia në Smirë të Vitisë shërbeu si shtëpi e Pjesëtarëve të Ushtrisë Çlirimtare të Kosovës.
Për nder të ditës së çlirimit, aty të enjten u mblodhën bashkëluftëtarë, deputetë por edhe banorë të kësaj zone për ta zbuluar një pllakë që tregon për veprimtarinë e kësaj familjeje.
Ish Komandanti i Brigadës 173, Selami Neziri tregoi se kjo pllakë do të shërbejë që t’u kujtojë edhe brezave të rinj për luftën e vendit.
“Që 25 vite u fol vetëm për luftëtarët e lirisë në frontin e luftës por nuk u fol për familjet që pritën dhe përcollën luftëtarët e lirisë që lanë e shpërlanë ata që u dhanë ushqim i pritën e i përcollën në destinacionin tjetër prandaj në 15 vjetorin e çlirimit unë me disa bashkëluftëtarë menduam se ato familje e meritojnë që t’ua bëjmë nga një mirënjohje për sot modeste një pllakë por që pllaka saj qëndron një histori e tërë qëndron lufta e armatosur për lirinë e Kosovës”, tha Neziri.
E në emër të familjes Azizi, ish-ushtari u shpreh se janë të nderuar me respektin që i është bërë përmes kësaj pllake, derisa shtoi se e njëjta ka qenë baza kryesore e UÇK-së.
“Nuk është vetëm kjo shtëpi se ka qenë baza kryesore oda por gjithë kjo lagje ka pasë barrën e njëjtë gjithë kjo mahallë e ka pasë barrën e njëjtë sepse aty ku u kry veprimtari gjithë fshati e ka pasë barrën e njëjtë sepse ka qenë e tillë situate që ka mujt të pësojnë të jashtë ka qenë një bashkëpunim më të gjithë bashkëfshatarët dhe i falënderojë se kanë punu, kanë ndihmuar”, tha ai.
Pas fjalimeve, u bë edhe zbulimi i ku nuk munguan as emocionet nga ata që ishin kryesorë të aktiviteteve të atëhershme.
Një e tillë u zbulua edhe në shtëpinë e dëshmorit të këtij fshati, Mirali Sejdiu.
Aty bashkëluftëtari i tij tregoi disa nga organizimet e këtij grupi kundrejt regjimit serb.
“Erdhi dita si erdhi kishim ditën e vështirë datën 28 mars ditë Bajrami ku katuni im nuk e ka falë për herë të parë ditën e Bjaramit po e ceki këtë me tregu edhe u folke komandanti për njerëzit që neve na u duken në heshtje si kemi nij kurrëpor kanë bërë trimëri dhe guxim që nuk harrohet”, tha Azizi.
Pllaka të tilla janë vendosur edhe në familjet e disa fshatrave tjerë në nderim të 25-vjetorit të çlirimit për kontributin e dhënë në atë kohë.
