Policia e Kosovës në bashkëpunim me Doganën e Kosovës, kanë parandaluar një rast të kontrabandës me mallra në vlerë prej 10 mijë euro.
Sipas Policisë së Kosovës malli është gjetur në një furgon me targa vendore të cilin e drejtonte B.F i cili është ndalë të mërkurën në rrugën Stanqiq-Gjilan.
ADVERTISEMENT
“Gjatë kontrollit të automjetit është vërejtur se kishte të ngarkuara disa paketa me mallra të ndryshme në vlerë mbi 10.000 € si : dylbi teleskopi, pompa uji, aparate, bateri e mallra dhe gjësende të ndryshme”, thuhet në komunikatë.
Policia ka bërë të ditur se të gjitha veprimet janë ndërmarrë në bashkëpunim me Prokurorinë e Shtetit, ku malli i kontrabanduar dhe automjeti sekuestrohen dhe dërgohen në terminalin doganor.
