Presidentja e Kosovës, Vjosa Osmani sot ka pritur në takim homologun e saj nga Shqipëria, Bajram Begaj.
Ky takim mes dy presidentëve po ndodh për nder të 25-vjetorit të Çlirimit të Kosovës.
Pas këtij takimi, e para e shtetit do të marrë pjesë në seancën solemne të Kuvendit.
Ndryshe, më 12 qershor të vitit 1999, pas 78 ditë bombardimesh të Aleancës Ushtarake Perëndimore të udhëhequr nga Amerika kundër caqeve ushtarake serbo-malazeze në Kosovë në Serbi dhe Mal të Zi, trupat e NATO-s hynë në Kosovë në misionin paqeruajtës që do të quhej KFOR, duke i dhënë fund luftës gati dyvjeçare midis popullsisë kryengritëse shqiptare të organizuar në radhët e Ushtrisë Çlirimtare të Kosovës dhe forcave okupuese ushtarake dhe policore serbe./teve1.info/