Mesfushori Nazmi Gripshi më nuk do të jetë pjesë e skuadrës së Ballkanit.
Kampioni i Kosovës, të martën me anë të një njoftimi ka bërë të ditur se marrëveshje me futbollistin ka përfunduar, duke e falënderuar për kontributin dhe dëshiruar suksese në vazhdim të karrierës.
26-vjeçari prej vitit 2020 ka luajtur për Ballkanin, ndërsa ishte prej lojtarëve kryesor të ekipit nga Suhareka.
Gripshi ka fituar gjithçka që mund të fitohet në futbollin e Kosovës me fanellën e Ballkanit, ku ka tre tituj kampioni të Kosovës, një Kupë dhe një Superkupë.
Sezonin e fundit, Gripshi shënoi 20 gola dhe bëri 3 asistime për Ballkanin në 50 paraqitje në të gjitha garat.
Para se t’i bashkohej Ballkanit, Gripshi karrierë ka bërë edhe te Skënderbeu dhe Teuta në Shqipëri.
