Kombëtarja e Holandës do ta ketë një mungesë të madhe në Kampionatin Evropian që mbahet në Gjermani dhe nis të premten.
Mesfushori i Barcelonës, Frenkie De Jong nuk do të paraqitet në këtë turne për shkak se nuk ka arritur të rikuperohet nga lëndimi që e pësoi para dy muajve kundër Real Madridit.
De Jong lëndoi nyjen e këmbës pas përplasjes me Federico Valverden dhe përkundër tentimeve që të rikuperohet me kohë për të luajtur në “Euro 2024”, 27-vjeçari nuk ia doli mbanë.
Mungesën e De Jongut në Evropian, e ka konfirmuar edhe federata e Holandës, ndërsa mungesa e tij në mesfushën e “tulipanëve” do të jetë e madhe.
Holanda është pjesë e Grupit D, së bashku me Poloninë, Austrinë dhe Francën.
