Kombëtarja e Shqipërisë ka zhvilluar të hënën dy stërvitjet e para në Kaiserau, qendra bazë e “kuqezinjve” në Gjermani.
Në fakt, Shqipëria në krye me Sylvinhon gjithë fokusin në stërvitjet e kësaj jave do ta ketë te ndeshja e parë në Kampionatin Evropian që nis të premten.
Duelin e parë në “Euro 2024”, Shqipëria e luan të shtunën kundër Italisë, ndeshje kjo që luhet në stadiumin “Signal Iduna Park” të Dortmundit.
Stërvitja e parë apo e paradites e Shqipërisë ishte e bazuar me shumë në aspektin taktik, ndërsa pati edhe punë në palestër.
Asnjëri prej lojtarëve nuk ka lëndime apo probleme fizike, me përjashtim të portierit Etrit Berisha që po vuan nga dhimbjet në shpinë.
Gjithashtu, seanca stërvitore e pasdites do të jetë e hapur për tifozët shqiptarë, të cilët nga afër mund të përcjellin dhe motivojnë futbollistët për një paraqitje sa më të mirë në Evropian.
Shqipëria bën pjesë në Grupin B, ndërsa pas Italisë do të përballet edhe me Kroacinë dhe Spanjën.
Ndeshjen me Kroacinë, Shqipëria do ta luaj me 19 qershor në Hamburgu ndërsa me Spanjën do të përballet me Dussedorf më 24 qershor.
Shqipëria, të dielën ka zbarkuar në Gjermani, ku do të mbahet Evropiani e këtij viti ndërsa është pritur ngrohtë nga një numër i madh shqiptarësh.