Boston Celtics ka shënuar edhe fitoren e dytë në po aq ndeshje të luajtura deri më tani në serinë finale të NBA-s.
Të dielën mbrëma, Bostoni në “TD GArden” e mposhti skuadrën e Dallasit me shifrat 105:98. Celticsi po avancon 2:0 me fitore në këtë seri, ndërsa i duhen edhe dy fitore tjera për ta fituar titullin e kampionit, i cili do të ishte i 18-të në histori të klubit.
Dallasi nuk arriti ta evitoj humbjen përkundër paraqitjes së mirë të sllovenit Luka Donçiq. Donçiq ndeshjen e mbylli me “trille-double” prej 32 pikëve, 11 kërcimeve e po aq asistimeve, statistika këto që nuk mjaftuan për fitore.
Në anën tjetër, te Bostoni më efikasi ishte Jrue Holiday që regjistroi “double-double” me 26 pikë e 11 kërcime, ndërsa shtoi edhe 3 asistime.
Te Bostoni në ndeshjen e dytë të serisë finale, u dallua edhe Jaylen Broën me 21 pikë, 4 kërcime e 7 asistime. Ndeshja e tretë e serisë finale ndërmjet këtyre dy skuadrave do të luhet të mërkurën pas mesnate në Dallas.
