Kryeministri i Kosovës, Albin Kurti ka thënë se viti 2024 është vit i integrimit të qytetarëve serb në katër komunat e Kosovës.
Ai është shprehur kështu në një postim në X, ku ka përmendur shifra të pajisjes me dokumente të Kosovës nga qytetaret në katër komunat veriore të banuara me shumicë serbe.
Kurti ka thënë se në pesë muajt e parë të këtij viti janë lëshuar mbi 7 mijë pasaporta të Kosovës, 6.8 mijë letërnjoftime dhe 1.1 mijë patentë shoferë.
“2024 është viti i integrimit. Vetëm në pesë muajt e parë, mbi 7 mijë pasaporta RKS, 6.8 mijë letërnjoftime dhe 1.1 mijë patentë shoferi janë lëshuar në komunat ku komuniteti serb përbën shumicën. Shndërrimi i patentë shoferëve ilegale në RKS po vazhdon dhe po shkon shumë mirë. Po ashtu, 159 biznese të reja janë regjistruar në zyrat e sapohapura të Agjencisë për Regjistrimin e Bizneseve në katër komunat në veri të Kosovës. Ky është rezultat i punës konstruktive mes qeverisë dhe qytetarëve tanë, dhe bindjes së përbashkët se një vend i bashkuar është një vend i fortë”, ka shkruar Kurti të dielën në X.
2024 is the year of integration.
In just the first five months, over 7k RKS passports, 6.8k IDs, and 1.1k driver’s licenses have been issued in municipalities where the Serb community constitutes a majority. The conversion of illegal driver’s licenses into RKS ones is continuing…
— Albin Kurti (@albinkurti) June 9, 2024
