Sot në mbrëmje nis seria finale e play-offit në Superligën e Kosovës në futboll.
Në këtë seri finale, do të përballen Prishtina 01 dhe Liqeni, me duelin e parë që luhet në kryeqytet. Ndeshja e parë do të nis në orën 21:00 në palestrën “1 Tetori” në Prishtinë. Ekipi që regjistron dy fitore në këtë seri do të shpallet kampion, ndërsa Prishtina 01 vlerësohet favorit.
Prishtina 01 është kampion në fuqi dhe fitues i Kupës së Kosovës në futsall. Prishtina 01 ka avancuar në finale pasi në serinë gjysmëfinale ka eliminuar Mabetex Prishtinën, ndërsa Liqeni ishte më i mirë se Drenica.
Prishtina 01 dhe Liqeni këtë sezon janë përballur edhe në finalen e Kupës së Kosovës, ndeshje që e ka fituar ekipi nga kryeqyteti duke e mbrojtur trofeun e fituar vitin e shkuar.
Prishtina 01 stinorin e rregullt e ka përfunduar në pozitën e parë në tabelë pa asnjë humbje në 18 ndeshje të luajtura, ndërsa Liqeni doli i treti dhe kishte katër humbje.