Mesfushori i Kombëtares së Shqipërisë, Nedim Bajrami pritet që edhe sezonin e ri të luaj në Serie A të Italisë.
Mediumet italiane kanë njoftuar të enjten se interesim për Bajramin kanë shfaqur Bologna dhe Fiorentina.
Të dy skuadrat janë në garë për Bajramin, i cili ka kërkuar largimin nga Sassuolo, ekip që sezonin tjetër do të bëjë gara në Serie B.
25-vjeçari ka kontratë me Sassuolon deri në vitin 2027, ndërsa kartoni i tij vlerësohet rreth 3 milionë euro.
Në sezonin 2023/24, Bajrami shënoi 3 gola dhe bëri 2 asistime në 31 paraqitje për Sassuolon që nuk arriti të siguroj mbijetesën në elitën e futbollit italian. Në Itali, Bajrami karrierë ka bërë edhe tek Empoli, ndërsa do të jetë pjesë e Kombëtares së Shqipërisë në “Euro 2024”.