Pas Mirlind Dakut, skuadra e Beshiktashit po synon edhe sulmuesin tjetër shqiptar, Myrto Uzunin.
Bëhet e ditur se Beshiktashi së shpejti do ta kontaktoj Granadan në lidhje me transferimin e Uzunit.
Uzuni pritet të largohet këtë verë nga Granada, ekip që sezonin e ri do të bëjë gara në kategorinë e dytë të Spanjës.
Te Granada janë të gatshëm ta lirojnë Uzunin, por vetëm nëse marrin një ofertë deri në dhjetë milionë euro. 29-vjeçari është pjesë e klubit spanjoll prej janarit të vitit 2022 dhe ka kontratë deri në verën e vitit 2026.
Uzuni pati paraqitje të mira te Granada sezonin e fundit në La Liga, ku në 34 paraqitje realizoi 11 gola. Përkundër formës së mirë, Uzuni nuk është ftuar te Shqipëria për Kampionatin Evropian që nis javën tjetër.