Mesfushori ofensiv, Brajan Gruda do të largohet përfundimisht nga skuadra e Mainzit gjatë kësaj vere.
Futbollisti 20-vjeçar në një intervistë për mediumet gjermane ka pranuar se është i hapur për të gjitha opsionet, ndërsa ka shtuar se agjenti i tij po merret me ofertat e klubeve të interesuara.
Shumë skuadra, përfshirë edhe ato gjermane kanë shprehur interesim për Grudën, i cili ka kontratë deri në vitin 2026 me Mainzin, ekip që po kërkon 50 milionë euro për kartonin e tij.
Krahas Bayer Leverkusenit, Bayern Munchenit e Borussia Dortmundit, Gruda po kërkohet edhe nga Liverpooli, Newcastle Unitedi e Aston Villa.
Sezonin e fundit, Gruda pati 4 gola e 3 asistime në 28 paraqitje në Bundesligë me fanellën e Mainzit. Ai ishte i ftuar nga Gjermania në fazën përgatitore për “Euro 2024” por është detyruar të largohet nga kampi për shkak të lëndimit.