Oborri i Medresesë ‘’Alauddin’’ në Prishtinë të mërkurën u mbush plot.
Nga gjithë Kosova nxënës e mësues u mblodhën dhe pritën të ftuarit nga shkolla ‘’Imam Hatip lisesi’’ nga Kartalli në Turqi për të filluar panairin shkencor.
Andaj me të zënë vendet e tyre, filluan punët eksperimentale.
E për herë të parë po ndan përvojën e saj në fushën e kimisë, Nahide Zejnep Sari.
Të gjithë këtë po e sheh si pozitive nxënësi Rron Bajoku.
“Kemi dëshirë të kemi edhe më shumë vizita të tilla sepse na pasurojnë këta nxënës që kanë ardhë nga Turqia me informacione të ndryshme, aktivitete të ndryshme dhe përfitojmë bashkërisht”, tha ai.
E projektet përfshinë lëndët shkencore.
Ndërsa ky panair konsiderohet mjaft i rëndësishëm.
“Ky panair shkencor është tepër i veçantë për ne sepse është demonstrim i mësimeve nga nxënësit tanë, ata nuk janë ekspertë por janë në një fazë mësimi’, tha Jakup Çunaku, drejtor i medreses.
Ndërsa nga shkolla e binjakëzuar me Medresenë Alauddin, ‘’Imam Hatip Lisesi’’ përshtypje iu la mikpritja kosovare.
“Ndihem sot i lumtur që jam këtu por veçanërisht e ndjej ngrohtësinë vëllazërore e miqësore që e kemi gjetur në këtë vend të bukur”, tha Ozkan Oztürk, drejtor i ‘’Imam Hatip Lisesi”- Kartall .
Me binjakëzimin e Medresesë Alauddin dhe shkollës Imam Hatip lisesi nga Kartali, panari shkencor u organizua për herë të tretë me radhë.
Përmes këtij organizimi u synua që nxënësit të zhvillohen edhe në aspektin praktik nga fushat shkencore si: Kimi, Fizikë, Robotikë, Arkeologji, Teknologji Ajrore dhe fusha të tjera.
