KB Bora, ekip që në sezonin e ri do të luaj në Superligën e Kosovës në basketboll ka filluar mobilizimin për një paraqitje sa më të mirë.
Skuadra nga Prishtina që u promovua si kampion i Ligës së Parë, ka forcuar radhët e veta me basketbollistin Jetmir Zeqiri.
Zeqiri me klubin e ri ka firmosur kontratë dyvjeçare, ndërsa është përforcimi i dytë brenda një periudhe të shkurtër. Para Zeqirit, te Bora është transferuar edhe Rezart Mehmedi, i cili sezonin e fundit ishte pjesë e Golden Eagle Yllin.
Zeqiri së fundmi ishte pjesë e Pejës, ndërsa karrierë në Kosovë ka bërë edhe te skuadra e Sigal Prishtinës. Me fanellën e Pejës, Zeqiri ka luajtur me një mesatare prej 8 pikëve e 3 kërcimeve për ndeshje.
Bora dhe Bashkimi, janë skuadrat që kanë filluar mobilizimin e hershëm për sezonin 2024/45 në elitën e basketbollit kosovar, i cili pritet të nis në muajin shtator.
