Klubi i promovuar sivjet në Superligën e Kosovës në futboll, FC Suhareka, ka bërë transferimin e parë për sezonin 2024/25.
Mesfushori Lorik Boshnjaku është prezantuar te kjo skuadër, pjesë e së cilës do të jetë prej tri vitet e ardhshme. 28-vjeçari ka firmosur kontratë deri në vitin 2027 dhe po llogaritet si përforcim i rëndësishëm për repartin e mesfushës.
Boshnjaku është rikthyer në futbollin e Kosovës, pasi për dy sezone ishte pjesë e Vllaznisë së Shkodrës në elitën e futbollit të Shqipërisë. Ai karrierë ka bërë edhe te Prishtina, ekip me të cilin ka fituar titullin e kampionit në edicionin 2020/21.
FC Suhareka në sezonin e fundit u shpall kampione e Grupit A të Ligës së Parë për ta siguruar promovimin në Superligës pas vetëm një sezoni në një kategori më poshtë.