Ka mbetur i vdekur një person pas kontaktit me rrymën në fshatin Reqan të Suharekës.
Zëdhënësi i Policisë për Rajonin e Prizrenit, Vesel Gashi ka njoftuar se rasti ka ndodhur rreth orës 20:10 dhe viktima ka ndërruar jetë rrugës për në emergjencën e Suharekës.
“Sot ne datë 04.06.2024 rreth orës 20:10 policia ka marr informatën se në fshatin Reqan te Suharekës një person është godit nga rryma elektrike. Rreth orës 20:15 viktima është dërguar në emergjencën e Suharekës. Sipas mjekut kujdestar viktima është sjell pa shenja jete. Viktima është G.G. , mashkull 42 vjeç nga Suhareka”, është shprehur Gashi për teve1.info.
Po ashtu ai ka bërë më dije se njësitet përgjegjëse kanë dalë në vendin e ngjarjes ku edhe po hetohen rrethanat e vdekjes.
“Policia ka dal në vendngjarje dhe njësit përgjegjëse janë duke mbledhur provat dhe dëshmitë lidhur me rastin. Hetuesit janë në kontakt me prokurorin kujdestar i cili është duke udhëhequr hetimet dhe do të të veprohet në bazë të udhëzimeve të tij”, shtoi ai.
