Tash e nëntë vite gëzon pensionin.
E ditët e tij i kalon në qendrën e të moshuarve në Suharekë.
Ndërsa anëtarësinë vjetore prej 3 eurosh e paguan me rregull.
“Unë jam i anëtarësum, paguajmë nga 3 euro n’vit, është një shumë simbolike. Ia vlen me pagu edhe më shumë për atë kohë që e shpenzojmë këtu e kënaqemi me shokë”, ka thwnw pensioneri Rifat Bytyçi.
Bytyçi shprehet i kënaqur me kushtet në këtë qendër.
“Sa i përket kushteve, janë shumë t’mira, e bëjmë një pushim shumë të mirë këtu edhe shihemi me disa shokë që i kemi këtu edhe jemi shumë të kënaqur”, ka thënë ai.
Pensionistët në këtë hapësirë e kanë edhe sallën e takimeve.
Por ata takohen rregullisht edhe jashtë qendrës së të moshuarve.
“I kemi do shokë, dalim bashkë kështu që kalojmë kohën mirë”, është shprehur Mursel Gashi.
Me anëtarësimin në shoqatë, pensionistët marrin pjesë edhe në aktivitete të tjera.
“Ja japim librezën, anëtarësohet, i kemi do shëtitje, do lirime nëpër baja, nëpër hotele, e kem pak lirimin, pronarët atje e bëjnë lirimin për pensionerë e bëjnë më lirë”, ka thwnw Sadri Bajrami, nënkryetar i shoqatës së pensionistëve në Suharekë.
Ndërsa shuma prej 3 eurove në vit, sipas njohësve të fushës së drejtësisë është krejtësisht ligjore.
“Konsideroj se detyrimi për anëtarësim në Shoqatën e Pensionistëve në komuna përkatëse nuk është obligativ, ai është fakultativ. Pra është e drejtë e pensionistëve që të inkuadrohen në atë shoqatë dhe rrjedhimisht ta paguajnë anëtarësinë prej 3 eurove”, ka thwnw avokati, Asdren Bytyqi.
Në Shoqatën e Pensionistëve në degën Suharekë janë të regjistruar rreth tre mijë e pesëqind të moshuar.
