Mitin që Serbia s’ka gisht në atë çfarë ndodhi në Srebrenicë e rrëzoi rezoluta e Kombeve të Bashkuara.
Megjithatë, bindja e disa serbëve në Kosovë për këtë çështje nuk ka ndryshuar.
Ata vazhdojnë të insistojnë se në Srebrenicë nuk ka pasur gjenocid ndaj myslimanëve boshnjak.
“Jo, nuk është bërë gjenocid, pasi myslimanët kanë bërë gjenocid ndaj serbëve”, shprehet qytetari Bojan Milenkoviq,
E ka prej tyre që nuk duan të dinë fare për të kaluarën.
Vaso Millojeviq i cili jeton në Mitrovicën e Veriut, thotë se nuk e di që në Srebrenicë është kryer gjenocid nga ushtria serbe.
“Të them të drejtën nuk e di. Nuk do të doja të inkuadrohesha në diçka që nuk e di. Unë jam një njeri plak dhe po synoj që jetën që më ka mbetur ta kaloj sa më mirë dhe fëmijëve e nipave t’u ndihmoj. Të gjitha tjerat për Srebrenicën lë të mendojnë politikanët, shprehet ai.
E disa prej qytetarëve nuk duan të japin mendim për këtë çështje.
“Nuk do të doja të flisja, më falni. Nuk do të doja të flas për këtë. Nuk dua, nuk dua të flas fare për politikë dhe për këtë çështje”, shprehet Milorad Illiq.
Ndërkaq për një boshnjake të Kosovës rezoluta për Srebrenicën ishte vendimi i duhur.
“Mendoj se ka pasur gjenocid në Srebernice dhe plotësisht e kanë deklaruar ashtu si duhet”, thotë Berzada Betkoviq.
Rezoluta, e bashkësponsorizuar nga Gjermania dhe Ruanda, kaloi me 84 vota, ndërkaq 19 shtete dolën kundër.
Me këtë rezolutë 11 korriku do të caktohet si Dita Ndërkombëtare e Reflektimit dhe Përkujtimit të Gjenocidit të vitit 1995 në Srebrenicë.
Gjykata Ndërkombëtare e Drejtësisë në Hagë e karakterizoi krimin në Srebrenicë si
gjenocid në vitin 2007, por Serbia refuzon ta pranojë një gjë të tillë.
