Trajneri nga Shqipëria, Shpëtim Duro do të jetë në krye të skuadrës së Suharekës për edicionin 2024/25 në Superligë.
Suhareka këtë edicion u promovua në Superligë, ndërsa në edicionin e parë në elitë do të udhëhiqet nga Duro. Duro është prezantuar të dielën te Suhareka, ekip që ka synime të mëdha në Superligë.
Duro, së fundmi ka qenë në Maqedoninë e Veriut, ku ka drejtuar skuadrën e Strugës me të cilën e ka fituar edhe titullin e kampionit.
Duro në Kosovë ka qenë edhe trajner i Dritës, ndërsa ka punuar edhe te Partizani i Tiranës, Shkëndija e Tetovës, Kukësi e Laçi.
Në postin e trajnerit te Suhareka, Duro ka zëvendësuar Arsim Thaqin, i cili u largua pasi e promovoi ekipin në elitën e futbollit kosovar.