Sulmuesi i Kombëtares së Kosovës, Vedat Muriqi e ka mbyllur me gol edicionin në La Liga të Spanjës. Muriqi, të dielën shënoi gol në fitoren e ngushtë të Mallorcas 2:1 kundër Getafes.
Për Muriqin, ky ishte goli i shtatë këtë edicion, ndërsa ka edhe dy asistime me fanellën e Mallorcas. Golin ndaj Getafes, Muriqi e shënoi në minutën e 90-të, duke e barazuar rezultatin në 1:1 para se Pablo Maffeo të shënonte për rezultatin përfundimtar tre minuta më vonë.
Mallorca e përfundoi sezonin në pozitën e 14-të në tabelë me 40 pikë të grumbulluara.