Kësisoj zgjodhën për ta kaluar këtë rrugë.
Edhe pse me vështirësi, për ta kjo ishte mënyra më e lehtë.
Por njëjtë nuk po mund të veprojnë edhe shoferët e automjeteve.
Kjo për shkak se rruga “Afrim Krasniqi” në Sibovc të Obiliqit është mbyllur për qarkullim.
E ndonëse kjo rrugë është e pakalueshme, nuk pati ndonjë paralajmërim në kohë për banorët e kësaj ane.
Për këtë vendim, ata u shfaqën të mllefosur.
“Na kanë blloku rrugët, komplet na kanë blloku si lagje, lagjen Kongjeli edhe fshatin Shipitull, pa paralajmërim. Nga e kena ditë që kanë me mshel këtë rrugë, po jo që dje ose sot, na kena menu qe duhet me na bo një rrugë njëherë, për me pas na zgjidhje, tani me mshel kta. Këta na kanë blloku totalisht. As s’kemi qysh i qojmë fëmijët në shkollë, na kanë zgjat rrugën për 7-8 km më shumë. Na duhet me shku në një fshat atje Zhilivodë, për me shku në Sibovc, për me shku tani në obiliq”, ka thënë kryetari i fshatit Afrim Mexhuani.
Për t’i larguar banorët që kundërshtuan mbylljen e rrugës, erdhën edhe njësitet policore.
“Ne e bëmë pak një zhurm, e bllokuam balerin, erdh një qytetar prej punë i hypi bagerit të vet e ka qel rrugën, masnej janë ardhë diku nja 10 kerre të policisë të njëjësit speciale, me helmeta, me mbrojtës,e kur i pamë, unë mendoave që ka najfarë lajmi që ka me kalu naj Radojçiq, se sna ka shku menja që jon ardh për neve gjithë ata policë”, tha ai.
Ndërsa për banorin, Kastriot Krasniqin, rruga alternativë e mundësuar është 20 minuta më e gjatë.
“Ne si banorë kemi mbetë të bllokuar, fëmijët tanë nuk kanë rrugë tjetër për të shkuar në shkollë, përveç një rrugë për 20 minuta më gjatë, dhe dimrit nuk kalohet andej”, ka deklaruar ai.
E pasi rruga veçse u mbyll, Korporata Energjetike e Kosovës dolën me një sqarim.
“Rruga ‘Afrim Krasniq’ do të mbyllet për arsye të deformimeve të shfaqura në këtë segment, rrezikshmërisë për qarkullim të sigurt e konstatuar nga Agjencia për menaxhimin e emergjencave si dhe vazhdimësisë së procesit të punës së minierës”.
Se kjo rrugë është e rrezikshme e kishte thënë javë më parë për Televizionin edhe drejtoresha për Mbrojtje dhe Mjedis në Komunën e Obiliqit, Fitore Hashani.
Zgjidhja më e duhur po del të jetë realizimi i rrugës së re për Mirash.
Deri atëherë, qytetarët mund ta përdorin si alternativë rrugën nga fshati Bardh i Madh që lidhet me fshatin Pelaj.