Në numër të vogël u mblodhën në afërsi të kufirit me Kosovën.
Me flamuj serb e këngë nacionaliste, tentuan të afrohen afër territorit të Republikës, por u ndaluan nga Policia serbe.
Pesë organizata serbe thirrën protestë për të shtunën, për të kërkuar nga qeveria e Serbisë, siç kanë thënë në njoftim, për “mos ta dorëzuar territorin e Serbisë”.
E situatën po e vëzhgonte Policia e Kosovës, ndonëse koha në të cilën ishte thirrur protesta, dështoi.
Situatën nga afër e përcolli edhe misioni për Sundim të ligjit në Kosovë, EULEX, ndërsa nga ajri ishte edhe KFOR-i.
Zëvendësdrejtori i Policisë për rajonin e veriut, Veton Elshani tha për Tëvë1 se me të pranuar informatën, kanë ndërmarrë të gjitha planet operative.
Elshani tha se komunikimi dhe koordinimi me KFOR dhe Eulex ka qenë në nivel.
Gjatë ditës, Qendra për Menaxhimin Kufitar ka bërë të ditur se të gjitha pikat e kalimit kufitar janë të kalueshme, një ditë pasi që kishin bërë thirrje që të njëjtat mos të frekuentohen nga qytetarët.
Pasi që dështoi protesta, këta dy motoristë nga Beogradi vëzhguan situatën nga afër dhe u larguan.