Kryeministri i Kosovës, Albin Kurti, së bashku me ministrin e Punëve të Brendshme, Xhelal Sveçla, kanë mirëpritur në takim komandantin e KFOR-it, Gjeneral Major Ozkan Ulutash.
Temë diskutimi në këtë takim ishte bashkëpunimi i Kosovës dhe misionit të NATO-s në Kosovë dhe situata e sigurisë në vend.
“Në takim u vlerësua se komunikimi dhe takimet e rregullta janë në shërbim të bashkërendimit sa më të mirë ndërmjet institucioneve të sigurisë”, thuhet në komunikatë.
Ndërkohë, është bërë e ditur se kryeministri e falënderoi komandantin Ulutash për bashkëpunimin e mirë, për rolin dhe kontributin e tij dhe të KFOR-it për sigurinë dhe paqen./teve1.info/
