Në emisionin “Ditari” në Tëvë 1, Sveçla tha se pas këtij kallëzimi penal presin ndërhyrjen e institucioneve të drejtësisë dhe marrjes së masave ndaj personave kompetentë përgjegjës.
“Po presim ndërhyrjen e institucioneve të drejtësisë dhe marrjes së masave ndaj personave kompetentë të komunës të cilët kanë toleruar të ndodhë një intervenim i tillë në një objekt që ndodhet në zonën kufitare të mbrojtjes së qytetit të Prishtinës në qendër, flitet për zyret qendrore të LDK-së që me anë të një letre ka kërkuar këtë intervenim te Drejtoria e Urbanizmit por e njëjta si organ e ka refuzuar këtë kërkesë dhe përkundër refuzimit nga Komuna e Prishtinës, LDK ka intervenuar”, tha ai.
Sipas tij, kërkesa për punime në zyret qendrore të LDK-së janë refuzuar në kohën e qeverisjes së ish-kryetari Shpend Ahmeti, teksa shton se ato janë realizuar gjatë balotazhit në Prishtinë.
“Kërkesa e LDK-së drejtuar urbanizmit ka qenë gjatë qeverisjes së Shpend Ahmetit dhe e ka marrë refuzimin por fillimi i punëve ka filluar në kohën e balotazhit, e ka shftyrëzuar këtë kohë kur krejt Kosova ishte në balotazh ndërkohë që ne siç e thashë në seancën e parë kemi kërkuar nga kryetari të mirret me këtë rast dhe të shikoj se a posedon leje për intervenim, ka premtuar se do ta bëjë të njëjtën nëse nuk posedon leje të cilat i parasheh ligji pastaj ne përmes ligjit për qasje në komente publike kemi kërkuar informacione shtesë se a ka LDK leje dhe pas një hezitimi jemi pajisur me informacione dhe kemi konstatuar se LDK-së i është refuzuar kërkese dhe nuk posedon leje për intervenimin që e ka bërë”, shtoi Sveçla.
Ndërkaq, ai shton se nëse nuk ndërmirren masa, kjo është “një qasje e gabuar në raport me ndërtimet pa leje”.
“Kjo ishte një qasje e gabuar në raport ndaj ndërtimeve pa leje që ndodhin në Prishtinë faktikisht nuk e di cila mund të jetë arsyeja që Inspekcioni të shkojë te ndonjë qytetarë dhe të intervenoj për ndërtim pa leje nëse nuk e ka bërë te ndonjë subjekt politik nëse je i fortë politikisht mund të ndërtosh dhe intervenosh në objekte edhe pa leje’, përfundoi ai./teve1.info/