I pari që foli para të pranishmëve ishte i mbijetuari i masakrës, Nait Hasani.
Më 19 maj 1999 mbi burgun e Dubravës Serbisë iu dha mundësia ashtu siç e kishte planifikuar mirë që të vriste të burgosurit shqiptarë. Ndërsa NATO kur bombardoj, kishte të dhëna të sakta se burgu ishte kthyer në kazermë ushtarake e policore dhe mbi këtë qëllim NATO bombardoj burgun e Dubravës me të burgosur shqiptarë”, tha Hasani.
Për këtë masakër, ende nuk është vendosur drejtësia.
Por, Ministrja e Drejtësisë u zotua se do të bëjnë gjithçka të ketë drejtësi.
“Me lejoni që të ju informoj që në lidhje me masakrën e Dubravës tashmë po zhvillohen hetime nga Prokuroria Speciale dhe në këtë moment janë 40 të pandehur dhe në fund të vitit të kaluar Prokuroria Speciale ka ngritur aktakuzë kundër një të dyshuari për pjesëmarrje të vrasjeve mbi 100 shqiptarëve në burgun e Dubravës. Nga këtu do të zotohemi dhe do të angazhohemi që të ketë drejtësi për Masakrën e Dubravës dhe kriminelët mos të enden të lirshëm por të vuajnë për krimet që kanë bërë”, tha ajo.
E ish-komandanti i luftës së UÇK-së, Daut Haradinaj, tha se masakra e Dubravës, shpërfaq fytyrën e vërtetë të Serbisë.
“Njerëz u pushkatuan në mënyrën më mizore të mundshme vetëm pse ishin shqiptar dhe kishin të drejtën e vetë me kërkuar që të jetojnë të lirë në vendin e vetë. Ne në as një rrethanë nuk duhet ta mohojmë dhe ta fshehim të vërtetën e krimeve makabre serbe mbi popullin tonë”, tha Haradinaj
Disa orë më herët kryeministri i Kosovës Albin Kurti nderoi dhe përkujtoi bëri homazhe në kujtim të të të vrarëve.
Masakra e burgut të Dubravës është kryer prej 19 deri më 24 maj të vitit 1999.
