Trajneri shqiptar, Besnik Hasi edhe sezonin tjetër do të jetë pjesë e futbollit belg.
Madje, në edicionin e ri, Hasi pritet ta udhëheq njërën prej skuadrave më të mëdha të Belgjikës, Antwerpin.
Mediumet belge kanë raportuar të martën se Hasi është kandidati kryesor për të marrë drejtimin e Antëerpit pasi trajneri aktual, Mark van Bommel do të largohet në fund të edicionit.
Hasi, aktualisht është në krye të Mechelenit por do të largohet nga kjo skuadër në verë kur edhe i skadon kontrata.
Ai më herët ka konfirmuar dëshirën për të punuar në Belgjikë, ku në të shkuarën ka qenë trajner i Anderlechtit.
Krahas Antwerpit, emri i Hasit është i lidhur edhe me skuadrën tjetër belge, Gentin. Hasi në fund të vitit të shkuar u rikthye në futbollin belg pas aventurave në Arabinë Saudite, Greqi e Poloni.
