Në shtator, fëmijët pritet që të vijojnë mësimin në klasën e parë.
Por, njëjtë nuk po ndodhë me fëmijët nga komunitetet pakicë në shkollën “Xhemajl Kada” në qytetin e Pejës.
Drejtori i kësaj shkolle tregon se kjo praktikë tashmë po bëhet për çdo vit nga pjesëtarët e këtij komuniteti.
“Po zakonisht kur shpallet konkursi në afatin e rregullt bëhet një regjistrim i fëmijëve të komuniteteve një numër simbolik por me të madhe ata startojnë me vonesë duke filluar nga 1 shtatori e tutje pak a shumë hezitojnë me vonesa ku ta di unë”, tha drejtori i shkollës “Xhemajl Kada”, Sylë Peli.
Ai thotë se janë vazhdimisht në komunikim me prindërit e këtyre fëmijëve dhe shpreson që këtë vit të ketë një vetëdijesim më të madh nga ta për këtë.
“Po shpresojmë sepse ne zakonisht ekipi për braktisje dhe të fëmijëve është gjithmonë në terren në aksion kemi kontakt me prindërit e këtyre fëmijëve po shpresojmë që të jetë një numër më i madh të vetëdijesohen në këtë aspekt dhe t’i sjellin fëmijët në kohë”, tha Peli.
Shqetësuese kjo mbetet edhe për organizatën joqeveritare “Syri i Vizionit” në Pejë.
Vlora Latifi thotë se janë duke realizuar vizita në vende të ndryshme ku ka prezencë më të madhe të këtyre komuniteteve dhe se shpresojnë që të ndikojnë pozitivisht në regjistrimin e tyre.
Kemi filluar zyrtarisht dje ku ka filluar edhe procfesi i regjistrimit kemi filluar fushatën derë më derë me idenë që me i vetëdijësu prindërit e fëmijëve që është obligative me i regjistru fëmijët në shkolla. Po besoj që ka me pasë një ndikim pozitiv, po besoj që ka me qenë numri më i madh i fëmijëve që do të regjistrohen në sistemin arsimor sidomos të komuniteteve rom egjiptian dhe ashkali për shkak se janë potencialisht gjithmonë që kanë potencial më shumë për mos me u regjistru ose me e braktisë procesin mësimor”, tha Latifi.
Përpos nxënësve nga komunitetet pakicë, nga Drejtoria e kësaj shkolle thanë për televizionin se është në rënie nga viti në vit numri i përgjithshëm i nxënësve për shkak të rënies së natalitetit.
