Presidentja e Kosovës, Vjosa Osmani, është takuar me ish-sekretaren amerikane, Hillary Clinton, në kuadër të iniciativës “Clinton”.
Në kuadër të këtij takimi, presidentja tha se për ekonomi të zhvilluara dhe gra të fuqizuara, parakusht janë liria, paqja dhe demokracia.
Ndërkohë, ajo falënderoi Clintonin për mbështetjen që ShBA i ka dhënë Kosovës.
“Në një bashkëbisedim me Sekretaren Clinton sot, e falënderova atë personalisht, Presidentin Clinton dhe të gjithë popullin amerikan që na ndihmuan që sot t’i gëzojmë këto të drejta dhe po vazhdojnë të na ndihmojnë që shembulli e zëri i Kosovës të jehojnë anekënd botës”, ka shkruar ajo në Facebook.
