Xhiroja e 35-të e Superligës e cila luhet sot me të gjitha ndeshjet, mund ta mbyllë dilemën e kampionit, një para përfundimit të kampionatit.
Ballkani lider i ligës elite, i prin garës me 72 pikë, katër më shumë se Llapi, në pozitën e dytë me 68 sosh.
Ndeshja luhet sot nga ora 15:00 në stadiumin “Zahir Pajaziti” dhe interesimi është i jashtëzakonshëm për duelin më të rëndësishëm të kampionatit.
Ballkanit i mjafton edhe një pikë nga kjo përballje për t’u shpallë kampion, që do të ishte titulli i tretë i kampionit për suharekasit. Me një fitore të mundshme, Llapi do ta shtynte garën e titullit për xhiron e fundit, për të shpresuar në një gabim tjetër të Ballkanit.
Nën hijen e derbit në Podujevë, luhet edhe derbi gjilanas, Gjilani – Drita, ndërsa takohen edhe: Feronikeli – Dukagjini, Malisheva – Liria dhe Prishtina – Fushë Kosova.
