Juventusi ka njoftuar të premten se e ka shkarkuar nga detyra trajnerin Massimiliano Allegro.
Klubi bardhezi ka thënë se arsyeja e shkarkimit janë disa sjellje të Allegrit gjatë dhe pas finales së Kupës së Italisë, “të cilat klubi i cilësoi të papajtueshme me vlerat e Juventusit dhe me sjelljen që duhet ta kenë ata që e përfaqësojnë klubin”.
Allegri ishte në dy periudha trajneri i Juventusit.
Në periudhën e parë, nga viti 2014 deri më 2019, fitoi 11 trofe. Herën e dytë, nga viti 2021 e deri tash, fitoi vetëm një trofe, edhe atë para dy dite – Kupën e Italisë.
Gjatë dhe pas përfundimit të finales, 56-vjeçari pati sjellje të çuditshme, duke hequr kravatën e duke bërtitur. Më vonë, ai e ka telefonuar një gazetar të “Tuttosportit” dhe e ka kërcënuar.
Juventusi po e kërkon Thiago Mottan, aktualisht trajner i Bolognas, si zëvendësues të Allegrit.