Ministria e Mbrojtjes ka shpallur konkurs për vitin akademik 2024/2025 për pranim të kadetëve të rinj, të cilët do të studiojnë në disa qendra universitare.
Përmes një njoftimi, Ministria e Mbrojtjes ka bërë të ditur se konkursi do të jetë i hapur nga data 3 qershor deri më 17 qershor për të gjithë të interesuarit nga mosha 18 deri 22 vjeç (përveç për studimet në Turqi kandidati nuk duhet t’i ketë mbushur 21 vjet).
“Ministria e Mbrojtjes shpall konkurs për pranim të kadetëve të cilët do të studiojnë në këto qendra universitare: 1.Qendra për Studime Universitare e FSK-së; – Universiteti Amerikan në Kosovë; 2.Republika e Shqipërisë/Akademia Ushtarake; – Teknologji Informative në fushën e mbrojtjes – Marrëdhënie Ndërkombëtare në fushën e mbrojtjes – Shkenca Komunikimi në fushën e mbrojtjes 3.Republika e Turqisë; -Akademia Ushtarake Tokësore – Akademia Ushtarake Mjekësore; 4. Republika e Kroacisë – Akademia Ushtarake/Universiteti i Zagrebit; – Lidershipi dhe Menaxhmenti Ushtarak”, thuhet në njoftim.
Aplikimi bëhet në formë online në adresën https://rekrutimi.fsk-rks.org/Apply
