Skuadra e Trepçës ka arritur fitore në ndeshjen e tretë të finales ndaj Golden Eagle Yllit.
Mitrovicasit ishin më të mirë se therandasit të ejtën mbrëma, dhe fituan me rezultatin final 85 – 78.
Tek skuadra e Adis Beciragic më i dalluari ishte Kevin Capers me 19 pikë, ndërsa me lojë të mirë u dallua dhe rezervisti Erjon Kastrati me 16 sosh.
Për Yllin, si zakonisht më i miri ishte Alonso Verge Jr me 28 pikë, por që ishin të pa mjaftueshme për të arritur fitore.
Ndeshja pothuajse gjatë gjithë kohës ishte e baraspeshuar, ku në fund “Xehtarët” e shfrytëzuan energjinë e marrur nga publiku dhe avancuan tutje.
Tani seria është bartur në të mirën e Trepçës me rezultatin 2 me 1, ndërsa ndeshja e katërt finale zhvillohet në palestrën “13 Qërshori” në Therandë.
Ajo sfidë do të luhet nga ora 17:00, ditën e dielë.