Komisioni Qendror i Zgjedhjeve ka marrë vendim për shkatërrimin e materialit zgjedhor të përdorur ose të papërdorur për procesin në veri të Kosovës, ku u votua për shkarkimin ose jo të kryetarëve.
Vendimi është marrë në mbledhjen e mbajtur të enjten nga KQZ.
Në materialet zgjedhore që do të asgjësohen u tha se bëjnë pjesë fletëvotimet, formularët e rezultateve dhe listat e votuesve.
Gjithashtu, në kuadër të kësaj, KQZ-ja do të shkatërrojë edhe regjistrimet e kamerave të cilat kanë qenë të vendosura në vendvotimet e këtyre komunave gjatë votimit të 21 prillit në komunat veriore.
Ndërsa, një pjesë e tyre do të arkivohen si material që i ndihmon KQZ-së. Në vazhdim të mbledhjes, KQZ-ja mori vendim edhe për regjistrimin e partisë politike “Za Slobodu Pravdu i Opstanak”.
