Armando Broja sipas të gjitha gjasave karrierën do ta vazhdoj në Gjermani dhe atë te skuadra e Borussia Dortmundit.
Bëhet e ditur se Dortmundi parimisht ka arritur marrëveshje me Chelsean për sulmuesin e Shqipërisë, i cili nuk bën pjesë në planet e klubit anglez.
Broja do të huazohet te Dortmundi për edicionin 2024/25, ndërsa ekipi gjerman do ta ketë detyrim blerjen e tij në verën tjetër.
Po ashtu, edhe Broja është pajtuar me një marrëveshje të tillë dhe ka pranuar transferimin te skuadra gjermane që këtë edicion ka arritur në finalen e Ligës së Kampionëve.
22-vjeçari ka kontratë me Chelsean deri në vitin 2028, ndërsa në janar është huazuar tek Fulhami deri në fund të edicionit.
Në 27 paraqitje në total këtë edicion në të gjitha garat, Broja ka shënuar 2 gola dhe ka bërë 1 asistim.
