Ministri i Shëndetësisë, Arben Vitia , në fjalimin e tij në seancën e Kuvendit të Kosovës për marrëveshjet ndërkombëtare ka prezantuar projektin e trajtimit të ujërave të zeza.
Vitia tha se Ministria e Financave në bashkëpunim me Institucionet Ndërkombëtare Financiare kanë nënshkruar me datë 15 dhjetor të vitit 2023 marrëveshjen e kredisë për rindërtimin dhe zhvillimin e projektit për ujërat e zeza.
“Qeveria e Kosovës e përfaqësuar nga Ministria e Financave, Punës dhe Transfereve në kuadër të bashkëpunimit financiar me donatorët birateral dhe Institucionet Ndërkombëtare dhe Financiare, kanë nënshkruar me datën 15 dhjetor të vitit 2023 marrëveshjen e Kredisë ndërmjet Kosovës e përfaqësuar nga Ministria e Financave, Punës dhe Transfereve dhe Bankës Evropiane për rindërtim dhe zhvillim për projektin e trajtimit të ujrave të zeza. Kjo marrëveshje është negociuar dhe finalizuar në kuadër të përpjekjeve të Kosovës për të avancuar zhvillimin qëndrueshëm të vendit dhe në linjë me programin e Qeverisë dhe vizionin për infrastrukturë të integruar me harmoni me mjedisin e pastër”, ka thënë Vitia.
Tutje, ai theksoi se projekti përfshin dy financues, që sipas tij janë, Banka Evropiane për rindërtim dhe zhvillim dhe Bashkimi Evropian.
Derisa, Vitia e ka cekur edhe vlerën e rindërtimit dhe zhvillimit në vlerë prej 20 milionë eurove.
Poashtu, ministri tha se projekti është dërguar për aplikacion, grand dhe investim, e cila sipas tij është në vlerë prej 10 milionë eurove, e cila mbulon një pjesë të shpenzimeve për projektin.
“Projekti përfshin dy financues, Bankën Evropiane për rindërtim dhe zhvillim dhe Bashkimin Evropian përmes kornizës së investimeve të Ballkanit Perëndimor. Marrëveshja në Bankën Evropiane për rindërtim dhe zhvillim ka vlerën prej 20 milionë eurove, gjithashtu në kuadër të këtij projekti është dërguar aplikacioni për grand dhe investim në rundin e fundit të kornizës të investimeve të Ballkanit Perëndimor në vlerë prej 10 milionë eurove që do të mbulojë një pjesë të shpenzimeve kapitale për projektin”, theksoi Vitia në fjalimin e tij në Kuvend./teve1.info/
