Massimiliano Allegri nuk do të jetë trajner i Juventusit pas përfundimit të edicionit aktual.
Bëhet e ditur se në fillim të muajit të ardhshëm palët do të takohen për të finalizuar kompenzimin për shkëputjen e kontratës me marrëveshje të dyanshme.
Allegri ka kontratë valide me Juventusin deri në verën e vitit të ardhshëm, por do të largohet nga klubi për shkak të rezultateve jo të mira këtë edicion.
Ai pritet të zëvendësohet me Thiago Mottan, i cili do të zyrtarizohet në krye të Juventusit gjatë qershorit. Motta, aktualisht është trajner i Bolognas por nuk do ta rinovoj kontratën me ekipin italian.
Allegri u rikthye te Juventusi në vitin 2021, ndërsa këtë edicion ka arritur në finale të Kupës së Italisë.
