Si asnjë vend tjetër në Evropë, Serbia ka vendosur të jetë neutrale ndaj luftës në Ukrainë.
Pavarësisht kësaj, Bashkimi Evropian po tregon qasje të butë në raport me këtë shtet.
Deputeti i Lëvizjes Vetëvendosje, Haki Abazi, thotë se kjo qasje vije për shkak të interesit perëndimor që Serbia të mos ketë aleancë me Rusinë.
Por, nënkryetari i Partisë Demokratike të Kosovës, Enver Hoxhaj, thotë se është koha e fundit kur BE duhet t’i jap kahje qasjes së Serbisë.
Ndërsa, kryetari i Aleancës për Ardhmërinë e Kosovës, Ramush Haradinaj, thotë se qasja e BE-së ndaj Serbisë vije për shkak të situatës specifike.
BE ka pasur një qasje të butë ndaj Serbisë edhe në disa mosmarrëveshje që pala serbe ka pasur me Republikën e Kosovës.
Kronika e realizuar nga Valmir Gallopeni
