Ilir Meha në 43 vjetorin e rënies së Nebih e Tahir Mehes ka thënë se dhimbjen për humbjen e tyre e mund krenaria për ta.
Nipi i dëshmorëve Meha, thotë se pushka e drejtpërdrejt ndaj armikut serbo-skllav, Tahir Mehes ishte e para pas luftës së Dytë Botërore.
“Është dhimbje e madhe për familjen, sepse kanë shkuar dy trima dëshmorë, por e mund krenaria dhe mbahemi të fortë çdo herë siç kanë qenë mixha Tahir e gjysh Nebihu. Sot përkujtuam 43 vjetorin, kishte për vizitë qytetarë të shumtë prej Kosovës e diasporës e institucionet komunale. Kulla “Qëndresa e Tahir Mehes” mban një histori të lashtë, shekullore. Liria fillon me pushkën e Tahir Mehes, që ka qenë pushka e parë pas luftës së Dytë Botërore, pas luftës së Shaban Polluzhës që i ktheu pushkën drejtpërdrejt armikut serbo-skllav”, është shprehur ai në emisionin “Ditari” në TËVË1.
Meha thotë se për Tahirin dorëzimi nuk ishte asnjëherë opsion ani pse ai kishte qenë i përndjekur vazhdimisht nga pushtuesi serb.
Ndërkohë nipi Ilir Meha e përshkruan Tahirin si një luftëtar trim e zemërluan.
“Dorëzimi nuk ishte opsion. Pushteti i atëhershëm e njihte mirë Tahir Mehën. Ishte i përndjekur çdo herë dhe ishte halë në sy për pushtuesin serb, kështu që tentonin ta kapnin për ta burgosur pasi nuk i përfillte urdhrat e pushtetit komunist. Tahiri ka qenë një trim i madh dhe një luftëtar i fortë dhe një zemërluan, një shenjtar i fortë”, shtoi ai. /teve1.info/