Protesta e 29 majit, nisi me këngë e thirrje nacionaliste serbe.
Disa orë më pas, ajo mori një pamje krejt tjetër.
Qytetarët serbë të Zveçanit, e zgjodhën për ta kundërshtuar hyrjen e kryetarëve të pozagjedhur shqiptar, në ndërtesat komunale në veri të vendit.
Ndërkohë që një veturë e Policisë së Kosovës, mbeti në mesin e turmës.
Në të, gjatë gjithë ditës, mbeten të ngujuar disa pjesëtarë të njësiteve speciale të Policisë së Kosovës. Pasi dikush tentoi që t’i jap fund jetës së tyre.
Në këto trazira të majit u sulmuan edhe pjesëtarë të KFOR-it, gazetarë e qytetarë të tjerë dhe u shkaktuan dëme të konsiderueshme materiale.
Në mesin e atyre që bën këtë veprime, dyshohet se ishte edhe, Slobodan Miletiq. Andaj i njëjti, të dielën u soll para Gjykatës Themelore në Prishtinë.
Seanca fillestare ndaj tij u mbajt në dyer të mbyllura, mirëpo jashtë objektit të Gjykatës, familjarët po prisnin për të.
E pas dy orësh, Miletiq u dërgua në paraburgim nga zyrtarët policorë.
Ndaj tij, Gjykata Themelore caktoi masën e paraburgimit prej një muaj.
“Gjykata Themelore në Prishtinë, Departamenti Special ka vendosur lidhur me kërkesën e Prokurorisë Speciale të Republikës së Kosovës, për caktimin e masës së paraburgimit kundër të pandehurit S.M, për shkak të dyshimit për kryerjen e veprave penale Bashkimi për veprimtari kundër kushtetuese, Rrezikimi i personave nën mbrojtje ndërkombëtare, Pjesëmarrja në turmë që kryen vepër penale dhe huliganizmi dhe veprën penale Sulmi ndaj personit zyrtar. Gjyqtari i procedurës paraprake ka aprovuar si të bazuar kërkesën e Prokurorisë Speciale të Republikës së Kosovës për caktimin e masës së paraburgimit kundër të pandehurit S.M dhe të njëjtit i është caktuar masa e paraburgimit në kohëzgjatje prej 1 (një) muaj”, thuhet nga Gjykata Themelore në Prishtinë.
Mirëpo avokatja e të dyshuarit, Jelena Krivokapic e kundërshtoi vendimin e Gjykatës duke pretenduar që në gjykatore nuk kishte prova të mjaftueshme për klientin e saj.
“Ndonëse mua nuk mund të më jepnin çfarëdo dëshmie, përpos një fotografie në të cilën nuk shihet gjë. Që ata kanë dëshmi që në këtë fazë të procedurës nuk mund të m’i japin. Por, jemi marr vesh me prokurorin special që qysh javën e ardhshme, të shkoj personalisht të ai, dhe të më jep të gjitha dëshmitët që i ka prokuroria. Po, na është lejuar ankesa. Brenda 48 orëve duhet të paraqitet. Unë do të shfrytëzoj këtë të drejtë, dhe qysh në mëngjes do t’i dërgoj ankesën Gjykatës së Apelit ndaj vendimit”, tha Krivokapic.
Sipas Gjykatës, Mileqit është shtetas edhe i Serbisë dhe nëse lihet në liri, mund të arratisët, andaj në këtë rast caktimi i paraburgimit është i domosdoshëm dhe më se i arsyeshëm.
30-vjeçari u arrestua më 10 maj në pikën kufitare në Jarinje.
