Këtë e ka bërë të ditur Shërbimi Korrektues i Kosovës përmes një njoftimi për media.
“Sot, rreth orës 14: 20 h në Qendrën e Korrektuese Dubravë, gjatë një patrullimi të bërë nga Njësiti Intervenues, jashtë perimetrit të murit rrethues është gjetur një qese e mbushur me substancë te dyshuar narkotike. Pas hapjes së qeses së dyshuar, brenda saj ishin vendosur 51 qese në sasi të vogla, të mbështjella veç e veç , të cilat dyshohet se janë substancë narkotike”, thuhet në njoftim.
Sipas SHKK-së, qesja me sasi narkotike dyshohet se është hedhur mbi muri nga pjesa e jashtme.
“Qesja me sasi të dyshuar narkotike, dyshohet se është hedhur mbi muri nga pjesa e jashtme, ndërsa vlen të theksohet se kontrabanda e gjetur është parandaluar të futet brenda zonës së banuar. Lidhur me rastin janë njoftuar policia e Kosovës, të cilët kanë bërë konfiskimin e substancës se dyshuar narkotike, dhe kanë filluar hetimet se si ka ardhur deri te tentimi i futjes së kontrabandës brenda perimetrit të qendrës”, thuhet më tej në njoftim. /teve1.info/
