Llugaliu ka treguar pa rregullsitë që kanë hasur brenda këtyre katër kompanive, mirëpo shtoi se nuk kanë gjetur ndonjë interes ekonomik për vendin.
“Kodi doganor ka mundësuar që subjektet që krijojnë vlera për ekonominë, mundësoi që të lejojë në procedurë të pezullimit të taksave që të prodhohen produkte si këtu, mirëpo me kusht që është në interes të vendit. Në kontrollin që kemi bërë tek këto katër subjekte, nuk kemi gjetur se ka pasur ndonjë interes ekonomik vendi, e kjo duke u bazuar në numrin e punëtorëve, në vlerat e investuara, nuk ka pasur ndonjë vlerë të shtuar as në zinxhir furnizues tek subjektet e tjera. Gjithashtu ka pasur gjetje se nyejt e sistemit të gypave kanë qenë të pablombuara, edhe pse kanë qenë të vendosura nuk janë ruajtur incizimet. Ka pasur shitje të produkteve të gatshme tek subjektet që nuk kanë pasur licencë për operim të shitjes me shumicë, siç kërkon ligji për derivate. Ka pasur stoqe që nuk janë barazuar në shitje tek prodhuesit tjerë”, deklaroi Llugaliu, raporton teve1.info/
Po ashtu, ai tregoi se ndër vite ka pasur vështirësi në këtë pjesë, ku më pas janë evidentuar edhe shkeljet, ndërkohë kjo ka paraqitur rrezik në cilësinë e derivateve në tregun e brendshëm.
“Ndër vite ka pasur vështirësi të mbikëqyrjes të problemeve të ndryshme në këtë pjesë ku janë evidentuar edhe shkeljet, mirëpo nuk ka pasur ndonjë veprim i cili e adreson këtë rrezik që përveç qasjes në të hyra, gjithashtu ka pasur rrezik edhe në cilësinë e derivateve në tregun e brendshëm, po ashtu për shkak të përmbajtjes së lartë të sulfurit, është rrezik për ambientin dhe shëndetin e njerëzve”, shtoi tutje ai.
Lexo edhe
https://teve1.info/lajmet/shteti-ua-merr-licencat-kater-kompanive-te-naftes-ne-kosove/
