Kryetari i Komunës së Prishtinës, Përparim Rama, ka publikuar pamje nga punimet në hapësirat e ish-ndërtesës së Gërmisë, duke thënë se do të shërbejnë për ekspozita dhe aktivitete tjera artistike e kulturore.
Rama ka shkruar se kjo do të ndodhë deri në transformimin e madh që do t’i bëhet në Sallë Koncertesh dhe Galeri të Artit.
“Hapësirat e ish ndërtesës së Gërmisë janë duke u pastruar e rregulluar. Kjo hapsirë do të shërbejë për ekspozita dhe aktivitete tjera artistike e kulturore deri në transformimin e madh që do t’i bëhet në Sallë Koncertesh dhe Galeri të Artit”, ka shkruar Rama në Facebook. /teve1.info/
