Gjykata Themelore në Prishtinë ka caktuar masën e paraburgimit kundër të pandehurve S.H, F.H, A.H, F.M dhe B.M., ku të njëjtit dyshohet për një tentim vrasje në Lupç të Podujevës.
Ndaj tyre është caktuar paraburgimi me nga një muaj për shkak të dyshimit se kanë kryer veprën penale “Vrasje e rëndë në tentativë” dhe secili veç e veç kanë kryer veprën penale “Mbajtja në pronësi, kontroll ose posedim të pa autorizuar të armëve”.
“Gjyqtari i procedurës paraprake ka aprovuar si të bazuar kërkesën e Prokurorisë Themelore në Prishtinë për caktimin e masës së paraburgimit kundër të pandehurve S.H, F.H, A.H, F.M dhe të njëjtëve iu është caktuar masa e paraburgimit në kohëzgjatje prej 1 (një) muaji për secilin”, thuhet në njoftimin e Gjykatës Themelore në Prishtinë.
Ndërkohë, është bërë e ditur se është refuzuar kërkesa e prokurorit për caktimin e paraburgimit për të pandehurin B.M., pasi prokurori ka hequr dorë nga kërkesa për caktimin e paraburgimit./teve1.info/
