Kryeministri i Kosovës, Albin Kurti, ka thënë se gjatë 12 muajve kanë dëshmuar kujdes për gjendjen e punëtorëve.
Ai ka thënë se janë shtuar inspektimet për të drejtat e punëtorëve dhe kanë nxitur deklarimin e punëtorëve përmes Pakos së Ringjalljes Ekonomike.
Kurti me rastin e 1 majit, ditës së punëtorëve, ka thënë se kanë rritur numrin e të punësuarave dhe si vendimin për rritjen e pagave.
“Kemi ndërmarrë një sërë masash të punësimit të cilat rezultuan në shtim të punësimit për 70 mijë vende pune në tri vitet e para të qeverisjes. E krahas masave për punësim, morëm edhe masa për rritjen e pagave”, ka shkruar Kurti në Facebook, përcjell teve1.info
Ai ka thënë se dita e punëtorëve është mësim se si vetëm të bashkuar në shoqëri e vend të punës mund të sigurohet të drejtat tona.
“1 Maji na mëson se vetëm të bashkuar në shoqëri dhe në vendin e punës mund t’i sigurojmë të drejtat tona e të punojmë për një të ardhme prosperuese për të gjithë. Ky mësim është i vlefshëm sidomos sot marrë parasysh makro agresionin në botë me pandemi, luftë, autoritarizma në ngritje dhe kriza ekonomike”, ka shkruar ai.
Në Prishtinë nën organizimin e sindikatave të pavarura është protestuar më 1 maj. Protestuesit kanë kërkuar plotësim të kërkesave e kushte më të mirë në punë./teve1.info/
