Kryeministri i Kosovës, Albin Kurti sot është takuar me nënkryetaren e Komunës së Mitrovicës së Veriut, Katarina Ađančić, nënkryetaren e Komunës së Zveçanit, Nataša Tomanić dhe nënkryetaren e Komunës së Leposaviqit, Marina Bogojević.
“Pas takimeve në Berlin, konsiderova që një hap i duhur është të diskutoj me përfaqësues serb të komunave veriore. I konsultova mbi nevojat për shërbimet komunale që mund të ushtrohen të bashkërenduara në kuptim të lirisë së asocimit të komunave”, ka shkruar Kurti.
Përmes një postimi në Facebook, bëhet e ditur se të gjitha nënkryetaret e komunave veriore kanë thënë se e shohin në KiE Kosovën.
Derisa e kanë premtuar kryeministrin që do ta paraqesin kërkesën e tyre tek përfaqësuesit e QUINT-it.
“Të gjitha ato më thanë që e shohin anëtarësimin e Kosovës në Këshill të Evropës si një hap të rëndësishëm për fuqizimin e komunave të tyre. Dhe, më premtuan që kur do të takojnë përfaqësuesit diplomatikë të QUINT-in do t’ua shprehin këto kërkesa gjithashtu.”, shkroi kryeministri.
Ndryshe, Kurti është shprehur mirënjohës ndaj nënkryetareve Ađančić, Tomanić dhe Bogojević për punën e tyre të përditshme dhe kurajën për t’i shërbyer publikes dhe qytetarëve./teve1.info/