I ftuar në emisionin “Ditari” me flaka Zogun në Tëvë1, Zymberi tha mosmiratimi i ligjit të pagave deri më tani është një mossuksese që ka treguar qeveria Kurti.
“Çështja dhe tema e ligjit të pagave është temë e kamotshme dhe preokupim i të gjithë zyrtarëve publikë në nivel vendi, për mua dhe për Sindikatën e Shërbyesve Civil kjo është paska irrituese sepse një mossukses që e tregoi deri më tani Qeveria Kurti për të arritur ta miratojë ligjin e pagave dhe forma e ndihmës, kjo është një formë e asistencës prej 100 euro duke e ditur se në cilat sfida po kalojë shërbyesit publikë dhe civilë në përgjithësi me këtë hiperinflacion që e po e kaplon vendin jo vetëm Kosovën por edhe rajonin, ndihma prej 100 euro është një diçka që për neve nuk është fare e pranueshme dhe nuk është e kënaqshme sepse nuk ka nevojë që të na mashtron qeveria me këtë formë të ndihmave”, tha ai.
Tutje Zyberi tha se ndihma prej 100 euro do t’i kushtoj buxhetit të shtetit dhe nuk është zgjidhje.
“Kjo ndihmë prej 100 euro është një kosto që do t’i kushtoj buxhetit të shtetit dhe nuk është zgjidhje. Kjo është një kosto mjaftë e lartë por nuk është zgjidhje, ne jemi të interesuar për zgjidhje. Kjo ndihmë për neve shërbyesve civil nuk është që bënë një zgjidhje, marrë në përgjithësi nivelin e inflacionit që ka kapluar vendin, kjo ndihmë 100 euro po të ishte çdo muaj e rregullt do të ishte një vlerë po kjo nuk është zgjidhje… Vërtetë Shërbyesit Civil në masë të madhe deri më tani janë denigruar me nivelin e pagës. Kemi Shërbyes civil që punojnë në orar të plotë të punës, nën presion, shërbimi i gjendjes civile, shërbimi i inspekcionit me rreziqe të caktuar dhe e marrin pagën në vlerë monetare prej 360 euro”, tha Zyberi në Tëvë1.
