Mesfushori i Manchester United, Bruno Fernandes, raportohet se është përfshirë në një aksident automobilistik përpara ndeshjes të së martës në Premier Ligë me Liverpoolin.
Aksidenti me një Porsche raportohet të ketë ndodhur mëngjesin e së hënës, por aktualisht nuk dihet nëse Fernandes ishte shoferi apo pasagjeri në automjet.
Sipas “The Mirror”, Fernandes dhe pasagjerët e tjerë nuk kanë pësuar lëndime serioze. Man. United ende nuk ka komentuar për këtë çështje.
Raporti shton se reprezentuesi portugez pritet të paraqitet për stërvitje në Carrington më vonë të hënën dhe për këtë arsye mund të jetë i disponueshëm për udhëtimin në “Anfield Road”. /ksp
